ہمارے متعلق

آڈیٹر جنرل آف پاکستان ہماری سوچ، مقصد اور بنیادی قدریں

آڈیٹر جنرل کی تنظیم ملک کا ایک اہم ادارہ ہے جس کامقصد عوامی جوابدہی اور حکومتی معاملات میں شفافیت کو یقینی بنانا ہے۔ تنظیم مالیاتی نظم و ضبط میں بہتری اورانتظامی محکموں میں دھوکہ اورنقصانات کے ممکنات میں کمی لانے کی خواہاں ہے۔

آڈیٹر جنرل آف پاکستان کی تقرری آئینی تقاضا ہے۔ ۔ اس کی فراہم کردہ اطلاعات قومی، صوبائی اور ضلعی اسمبلیوں میں پیش کی جاتی ہیں اور متعلقہ اسمبلی کی پبلک اکاؤنٹس کمیٹی میں ان پر غور کیا جاتا ہے۔اپنے اختیار کی بناء پر یہ ادارہ وفاقی اور صوبائی سطح پر ایک آزاد اور بامقصد تشخیص سے حکومتی عمل کے ذریعے ایک مضبوط قانون سازی کی بنیاد فراہم کرتا ہے۔

آڈیٹر جنرل کے بجٹ کی درجہ بندی ''چارج'' اخراجات کے طور پر کی جاتی ہے۔ تمام چارج اخراجات پر پارلیمنٹ میں رائے شماری نہیں ہوتی جو ادارے کی خود مختاری کا واضح ثبوت ہے۔ تقریباََ 1500تربیت یافتہ افسران ادارے کو اس کے فرائض کی انجام دہی میں معاونت فراہم کرتے ہیں۔بطور اعلیٰ محاسب یہ ادارہ مساوی ملازمت کے مواقع فراہم کرتا ہے۔

بطور نمونہ اعلیٰ محاسب ادارہ کی حیثیت سے قومی وسائل کا تحفظ یقینی بنانا۔
احتسابی عمل کے فروغ ، انتظامی اور عوامی وسائل میں شفافیت اور اچھی حکمرانی کے ذریعے قوم کی خدمت کرنا۔
وقار: اپنے وقار کو قائم رکھنے کے لئے درج ذیل اقدامات ہماری ترجیح ہیں:

  • اخلاقی معیار اور ضابطہ اخلاق کو یقینی بنانا
  • اپنے کام میں پیشہ وارانہ معیار کی تعمیل
  • ایمانداری اور مقصد کو ملحوظ خاطر رکھتے ہوئے اپنے فرائض کی انجام دہی

معیار: ہمارا معیار:

  • متعلقہ ، بروقت اور قابل اعتماد اطلاعات فراہم کرنا
  • مؤثر انداز میں آڈٹ کے مقاصد کی تکمیل
  • بہترین اصولوں اور معیار کے عین مطابق آڈٹ کی منصوبہ بندی، عمل درآمد اور رپورٹ تیار کرنا۔
  • Pحکومتی پالیسیوں کے مؤثر نفاذ کے لئے بہترین تعاون فراہم کرنا۔

شراکت داری:شراکت داروں کے ساتھ اپنے رشتوں کو مضبوط بنانے کے لئے درج ذیل اقدامات ہماری اولین ترجیح ہیں:

  • اپنے مقاصداور حکومت کے اصلاحاتی ایجنڈے میں موافقت پیدا کرنا
  • اپنے شراکت داروں کو سمجھنا۔
  • شراکت داروں کے ساتھ اپنے روابط کو مربوط بنانا۔
  • اپنے شراکت داروں کے معاشی اہداف کے حصول میں ان کی فوری اور مؤثر معاونت کرنا۔
وآپس اوپر جائیں